१३औं संस्करणमा मुम्बाइ इन्डियन्सकाे पहिलाे जित, कोलकात्ता नाइट राइडर्स ४९ रनले पराजित

असाेज ८, बिहीबार।

१३औं संस्करणको इन्डियन प्रिमियर लिग (आईपीएल) २०२० अन्तर्गत हिजाेकाे खेल मुम्बाइ इन्डियन्स र कोलकात्ता नाइट राइडर्स बिच भएकाे थियाे। उक्त खेलमा मुम्बाइले पहिलो जित निकाल्ने क्रममा कोलकात्ता नाइट राइडर्सलाई ४९ रनले पराजित गर्यो । कप्तान रोहित शर्माको शानदार अर्धशतक पारी अनि बलरहरुले उत्कृष्ट प्रदर्शन गरेपछि मुम्बईले सहज जित हात पारेको हो । याे जितसँगै मुम्बाइले महत्वपूर्ण दुई अंक सहित रनरेटको आधारमा तालिकाको शीर्ष स्थानमा उक्लिएको छ। यस्तै, राजस्थान दोस्रो, बेङ्गलोर तेस्रो, दिल्ली चौथो र चेन्नाइ पाँचौं स्थानमा रहेका छन् । 

अबुधाबीकाे शेख जायद स्टेडियममा टस हारेर पहिले ब्याटिङ गरेको मुम्बईले कप्तान रोहित शर्माको शानदार ब्याटिङमा २० ओभरमा ५ विकेट गुमाएर १९५ रन बनाएको थियो । रोहितले ५४ बल खेल्दै ३ चौका र ६ छक्का मद्दतमा ८० रन बनाए । त्यस्तै दोस्रो विकेटका लागि रोहित शर्मासँग ९० रनको साझेदारी  गरेका  सूर्यकुमार यादव २८ बल खेल्दै ६ चौका र १ छक्का मद्दतमा ४७ रन जोडे । यस्तै, सौरभ तिवारीले २१, हार्दिक पाण्ड्याले १८ तथा किरोन पोलार्डले नटआउट १३ रनको पारी खेले । 

कोलकात्ताका लागी शिभंम मावीले २ तथा सुनिल नारायन र आन्द्रे रसेलले एक(एक विकेट लिए ।

यस्तै १ सय ९६ रनको लक्ष्य पच्छाएको कोलकात्ताले १ सय ४६ रन मात्र बनाउन सक्यो । कोलकात्ताका लागि प्याट कमिन्सले ३३, दिनेश कार्तिकले ३०, नितिश रानाले २४, इयान मोर्गानले १६, आन्द्रे रसेलले ११ रनको पारी खेले पनि टोलीलाई जित दिलाउन सकेनन् । साथै कोलकात्ताले २०१३ देखि २०१९ सम्म पहिलो खेलमा सधैँ जित हात पार्दै आएको थियो। 

मुम्बाइका लागी जेम्स प्याटिन्सन, राहुल चाहर,जसप्रीत बुम्राह र ट्रेन्ट बोल्टले समान २(२ तथा किरोन पोलार्डले एक विकेट लिए।

आइपिएल अन्तर्गत बिहीबार किङ्स इलावेन पञ्जाव र रोयल च्यालेञ्जर्स बेङ्गलोरबीच दुबाइ अन्तर्राष्ट्रिय क्रिकेट स्टेडियममा ७ः४५ बजे हुनेछ ।