कोरोनासँग लड्न के खाने ? कुन कुन खानेकुराले बढाउँछ इम्युनिटी पावर ।

कोरोना भाइरस (कोभिड–१९) ले नेपालमा मात्र होइन, विश्वमा नै फैलिएको छ । यसको अहिलेसम्म औषधि पत्ता लागेको छैन । त्यसैले यसबाट जोगिने भनेको आफैँ हो । स्वस्थ्य खानपान र स्वस्थ्य जीवनशैली अपनाउने हो भने कोरोनासँग आफैँ लड्न मद्दत पुग्छ । रोगसँग लड्ने क्षमता कम भएकालाई कोरोना लागेको देखिन्छ । खानपानमा विशेष ध्यान दिने हो भने रोगसँग लड्ने क्षमता बढ्छ ।

रोगले न उमेर भन्छ, न वर्ग, न समुदाय, न जात जोकोहीलाई पनि जुनसुकै समयमा रोगले आक्रमण गर्न सक्छ । तर, आफूसँग प्रतिरोधात्मक क्षमता बलियो भयो भने जस्तोसुकै रोगलाई पनि परास्त गर्न सकिन्छ ।

इम्युनिटी कम भएका, डाइबिटिज र उच्च रक्तचाप भएका मान्छेलाई कोरोना भाइरस लागेको देखिन्छ । ६० वर्षमाथिका मान्छेलाई बढी जटिल हुन्छ । त्यसैले डाइबिटिज, उच्च रक्तचाप र इम्युनिटी पावर कम भएका व्यक्तिले सजगता अपनाउनु आवश्यक छ । कोरोनाबाट जोगिन खानपान र जीवनशैलीमा ध्यान दिनुपर्छ । मीठोमीठो खान्छु भनेर खानु हुँदैन ।

यो समयमा घरमै पकाएर तातो खानेकुरा खाने । बाहिरको खानेकुरा खाँदै नखाने । घरमै पकाएर स्वस्थ खानेकुरा खाने । जसले रोगसँग लड्ने शक्ति दिन्छ । आवश्यक मात्रामा मसलाहरू खाने हो भने इम्यिुनिटी पावर बढ्छ ।

प्रतिरोधात्मक क्षमता कसरी बढाउने त ? कस्ता खानेकुरा खायो भने प्रतिरोधात्मक क्षमता बढ्छ ? शरीरलाई स्वस्थ राख्न के गर्ने ? भन्ने सम्बन्धमा इम्युनिटी पावर बढाउने खालका केही खानेकुराहरूका नामहरू तल दिइएकाे छ ।

के खायो भने इम्युनिटी पावर बढ्छ ?

बेसार
मरिच
खोर्सानी
जिरा
धनियाँ
मेथी
टुसा उमारेका खानेकुरा
मह
कागती
अमला
अम्बा
फलफूल
दही
मोही
चिज
माछा मासु र अण्डा राम्रोसँग पकाएर ।

विशेषतः यी माथि उल्लेख गरिएका अधिकांश खानेकुरा हाम्रो भान्छामै हुन्छन् । यी खानेकुरा नियमित खाने हो भने रोगसँग लड्ने प्रतिरोधात्मक क्षमता बढ्छ । रोग लाग्नबाट जोगिन सकिन्छ ।

अरु के गर्ने ? के नगर्ने ?